Бурбондор

Бурбондор – европалык бир нече өлкөдөгү королдор династиясы, Капетингдердин бир бутагы. Бурбондор Франциянын королу Людовик IХнун (122–670) уулу Роберт Клермон-Бурбондон таралат. 1555–89-ж. Б. Наварра королдугун башкарышкан. Католиктер менен гугеноттордун ортосундагы гражд. согуштун жыйынтыгында Наварра королу Генрих Бурбон 1589-ж. француз тактысына отурат (1610-ж. чейин Генрих IV деген ат менен башкарган). Бурбондордун туңгуч өкүлү Генрих IVнүн бийлигинин тушунда Францияда абсолютизм күч алып, Людовик XIVнүн убагында өзүнүн гүлдөгөн чегине жеткен. Француз революциясынын жүрүшүндө 1792-жана башка бийлиги кулатылып, король Людовик XVI өлтүрүлгөн. Бурбондор Францияны (1589–1792, 1814–15, 1815–30), Испанияны (1700–1808, 1814–68, 1874–1931, бурбондордун испаниялык бутагы Людовик XIVнүн небереси Филиип Vден таралат), Сицилиянын эки королдугун (Неополитанда, 1735–1805, 1814–60, бурбондордун бул бутагы Филиип Vнин уулу Карл IVдөн таралат), Парма жана Пьяченца герцогдуктарын (1748–1802, 1847–59) бийлешкен. 1931-ж. испан королу Альфонс XIII тактыдан баш тартып, Испания республика деп жарыяланган.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4