Виннипег, көл

Виннипег, Уиннипег (Winnipeg) – Канаданын түштүгүндөгү көл. Муз каптоо доорунда пайда болгон Агассис көлүнүн калдыгы. Аянты 24,3 миң км². Тереңдиги 28 мге чейин. Саскачеван, Ред-Ривер дарыясы куюп, Нельсон дарыясы агып чыгат. Ноябрдан майга чейин тоңот. Кеме жүрөт. Балык кармалат. Топоним индейлердин «ви-ни-пи» («ылайлуу суу») деген сөзүнөн пайда болгон.

Колдонулган адабияттар

“Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4