Вольфрам куймалары
Вольфрам куймалары - негизги бөлүгү вольфрамдан турган металл куймалары.
19-кылымдын 2-жарымында вольфрамдын (W) пайдалуу таасири изилденип, натыйжада негизи W карбидинен турган абдан бекем легирленген вольфрамдуу болот куймалар пайда болду. 1950-жылдан баштан температурага туруктуу жанa ийилгич-чоюлгуч касиетке ээ W—Re куймалары электр вакуум приборлорунда, температурасы 2500°Сге жеткен чөйрөдө иштөөчү термопаралык зым катары колдонула баштады. Вольфрам куймалары төмөнкүдөй бөлүнөт: катуу куйма, бирикмелер [торий окисп (Th02) ж-a тантал карбиди (ТаС)] менен түзүлгөн псевдо-куймалар жанa Mg, Re, Си, Ni, Ag металлдары кошулгандагы псевдо-куймалары. Бул кошундулар Вольфрам куймаларынын легирленүү, температурага туруктуулук, ийилгичтик сыяктуу физ. касиеттерин жогорулатып, ал куймаларды электр вакуум техникасында, ракета жанa самолёт курууда кеңири колдонууга мүмкүндүк берди.
Колдонулган адабияттар[түзөтүү | булагын түзөтүү]
Кыргыз Совет Энциклопедиясы. Башкы редактор Б. О. Орузбаев. -Фрунзе: Кыргыз Совет Энциклопедиясынын башкы редакциясы, 1977. Том 2. В - Иридий. -672 б.