Газета

Wikipedia дан

Газета — учурдагы окуялар жөнүндө маалыматтар жарыяланып туруучу күндөлүк басма сөздүн тармагы; саясий күрөштүн маанилүү куралы, массалык информацияиын жана пропаганданын системасындагы негизги каражаттардын бири.

Газетанын басма сөздүн башка тармактарынан (журнал, бюл­летень ж. б.) айырмасы — ал күндөлүк окуялар, көрүнүштөр жөнүндөгү материалдарды өз бетине тез чагылдырып, тез-тез (күн сайын, жумасына бир нече же бир жолу) чыгып турат; форматы жана көлөмү жагынан да өзүнө тиешелүү өзгөчөлүгү болот. Газета тиги же бу таптын, партиялардын, социалдык топтордун жүргүзгөн саясатын жактап, идеол. мүдөөсүн көздөйт, ошого ылайык саясий маанилүү проблемалар боюнча белгилүү пикирди билдирет жана саясий үгүт-насыят жүргүзөт. Газетада ар түрдүү жанрлар жанa формалар колдонулат, айрыкча оперативдүү информация жанa публицистикага көп орун берилет. Күндөлүк окуяларды өз учурунда чагылдырууда отчёт, хроника, кабар, репортаж жанрлары, ал эмп ошол окуяларды калкка маалымдап түшүндүрүүдө комментарий, интервью, рецензия пайдаланылат, болгон абалдын процесстери макала жанрында талданат; маанилүү маселелер баш макалада жарыяланат; окуяларды көркөм-публицистикалык мүнөздө чагылдырууда очерк, сүрөттөмө жанры колдонулат; о. эле анда сатиралык материалдар, фелъетондор берилип турат. Газетада булардан башка да саясий документтер, көркөм, ил.-популярдуу, көркөм-документ чыгармалалар. окурмандардын каттары жарыяланат.


Колдонулган адабияттар[оңдоо | булагын оңдоо]

Кыргыз Совет Энциклопедиясы. Башкы редактор Б. О. Орузбаев. -Фрунзе: Кыргыз Совет Энциклопедиясынын башкы редакциясы, 1977. Том 2. В - Иридий. -672 б.