Гауди (Гауди-и-Корнет) Антонио
Гауди (Гауди-и-Корнет) Антонио - (26. 6. 1852, Таррагона провинциясы, Реус 10. 6. 1926, Барселона) испан архитектору. 1868-жылдан Барселонада жашаган. Архитектуранын жогорку техникалык мектебинде окуган. Гауди курулуштарда (Саграда-Фамилия чиркөөсү, 1884-1926) архитектуралык формалардын кооздугуна жана таасирдүүлүгүнө жетишкен. Гуэль паркындагы курулмалар ансамбли (1903-08), «модерн» стилиндеги үйлөр (Каса Батльо, 1904-06; Каса Мила, 1905-10) жаңычыл конструкциялуу курулуштары (параболалык аркалар, жантык таянычтар, оңтойлуу своддор) менен укмуштуудай таасир калтырат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4