Денудация жерлери

Денудация жерлери - тоолуу өлкөлөрдө тышкы процесстердин таасири менен тоо тектердин акырындал талкаланышынан пайда болгон түзөң же күдүрлүү жерлер.

Денудация жерлери адегенде бир кыйла жапыз болуп, кийин ички күчтөрдүн таасири менен көтөрүлөт.

Денудация жерлери түрдүү жол менен көтөрүлөт:

1. алгачкы түздүк (пенеплен) купол түрүндө көтөрүлүп, борбордук бөлүгү чет- жакаларынан бийик болуп калат. Мисалы, Кочкордогу Орток-Тоо;
2. пенеплен жүктелип көтөрүлүүгө дуушар болсо, бирдей бийикте жатпаган келки тоолор пайда болот. Мында Денудация жерлери тепкич сымал жайгашат да, бийик бөлүктөрүндө ниваль процесстери басымдуу болуп, жаңы денудация формалары байыркыДенудация жерлери менен танапташ жатат. Мисалы, Борбордук Тянь-Шанда;
3. тоо аймагы мезгил-мезгили менен көтөрүлсө, ар түрдүү жаштагы Денудация жерлери пайда болот. Тянь-Шань тоолорунда Денудация жерлери көп.

Кыргыз тилиндеги бел, тектир, жайлоо, сандык сыяктуулар кеп учурда Денудация жерлерине туура келет.

Колдонулган адабияттар

• Кыргыз Совет Энциклопедиясы. Башкы редактор Б. О. Орузбаев. -Фрунзе: Кыргыз Совет Энциклопедиясынын башкы редакциясы, 1977. Том 2. В - Иридий. -672 б.