Дюшеналиев Божо

Дюшеналиев Божо (туурасы Дүйшөналиев; 1934-ж. туулган, Суусамыр кыштагы) - медицина илимдеринин кандидаты (1969).

• Медицана институтунун дарылоо факультетин бүтүргөн (1957).
• Ал 1957-63-жылдары Жалал-Абад шаарындагы ооруканада хирург жана бейтапкана (поликлиника) башчысы болгон.
• 1963-жылдан медициналык институттун госпиталдык хирургия кафедрасында клиникалык ординатор, андан кийин аспирант.
• 1969-жылдан 2004-жылга чейин Иса Ахунбаев атындагы медициналык академияда окутуучу, улук окутуучу болуп иштеген.
• 1997- 2000-жылдары улуттук хирургия борборунда уюштуруу методикалык бөлүмдү жетектеген.
• 2004-жылдан Бишкектеги көп тармактуу клиникада консультант болуп иштеп жатат.
• Ал 50гө жакын илимий эмгектин, методикалык көрсөтмөнүн жана монографиянын автору.
• Негизги эмгеги боор ооруларын хирургиялык жол менен айыктырууга арналган.
• Кыргыз ССР Жогорку Советинин Грамотасын, Кыргыз Мамлекеттик медициналык институттун жана Кыргыз советтик профсоюз комитетинин ардак грамоталары, «Эмгек ардагери» медалы менен сыйланган.
• Фрунзе шаардык советине депутат болуп шайланган.
• Шаболот уруусунан.

Колдонулган адабияттар

Суусамыр: Энциклопедия /Башкы ред. Ү. Асанов. - Б.: Энцик. борбору, 2010. - 312 б., илл. ISBN 978-9967-14-076-9