Жарыктын чачырашы
Жарыктын чачырашы - нерсенин бетине түшкөн жарыктын түрдүү багыт боюнча таралышы.
Нерсеге жарык түшкөндө андан чачыраган нур көзгө келип тиет да, биз нерсени көрөбүз.
Жарыктын чачырашынын эки түрү бар:
- 1) чачыраган кезде жарыктын термелүү жыштыгы өзгөрбөсө (б. а. жарык менен нерсенин ортосунда энергиялык алмашуу болбосо), жарыктын серпилгичтүү чачырашы деп аталат;
- 2) жарык чачыраганда жыштыгы өзгөрсө, серпилгичсиз чачыраш деп аталат. Жарыктын чачырашы - табиятта эң көп таралган кубулуштардын бири. Ал техникада жана заттын касиеттерин изилдөөдө кеңири колдонулат.
Колдонулган адабияттар
[түзөтүү | булагын түзөтүү]Кыргыз Совет Энциклопедиясы. Башкы редактор Б. О. Орузбаев. -Фрунзе: Кыргыз Совет Энциклопедиясынын башкы редакциясы, 1977. Том 2. В - Иридий. -672 б.