Жезказган

Википедия дан
Жезказган.

ЖезказганКазакстан Республикасындагы шаар. Караганды облусунда. Сары-Суунун оң куймасы – Каракеңирдин жээгинде жайгашкан. Калкы 104,4 миң (2007). 1939-ж. негизделген. 1954-жылдан шаар. Темир жол бекети бар. Өлкөнүн өнөр жайы өнүккөн шаарларынын бири. Түстүү металлургия, химиялык, электр жабдыктары, «Улуу-Тоо» казак-кытай жеңил өнөр жай бирикмеси, тамак-аш, полиграфия өнөр жай ишканалары иштейт. Университет, институт, медициналык колледж, кесиптик-техникалык окуу жайлары, китепканалар, тарых-край таануу музейи, кинотеатр, спорт сарайы, ботаникалык бак жана башка жайлар бар.

Шаарга жакын жерде Жезказган жез кени жайгашкан.

Колдонулган адабияттар[түзөтүү | булагын түзөтүү]

  • “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1