Йемен тоолору
Йемен тоолору, Жебел Араб жарым аралынын түштүк-батышындагы бийик тоо массивдери жана платолор. Йемен Республикасынын жана Сауд Арабиясынын аймагында. Түндүк-батыштан түштүк-чыгышка карай 500 кмге созулат. Эң бийик жери 3600 м (Эн-Наби-Шаиб чокусу). Кристаллдуу жана жанар тоо тектеринен турган чокулары жалпак бир катар келки тоо массивдери бар. Траптар, өчкөн жанартоолор кездешет. Терең өрөөндөр менен тилмеленген; Кызыл деңиздин жээгине жана Аден булуңуна тик түшүп, түндүк-чыгышында Руб-эльХали чөлү тарапка барган сайын жапыздайт. Кургак талаа, тоо этектеринде чөл, дарыя өрөөндөрүндө жана убактылуу суу аккан нуктардын жээктеринде бадал өсүмдүктөрү өсөт.
Колдонулган адабияттар[түзөтүү | булагын түзөтүү]
- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5