Каба-Сай офикальцит кени
Каба-Сай офикальцит кени– Жалал-Абад облусунун Ала-Бука районунда, Каба кыштагынан 12 км чыгышта, Курама кырка тоосунун түштүк-чыгыш тармагында, Каба-Сай суусунун сол өйүзүндө. Кен аймагын карбондун акиташ теги менен мрамору түзөт. Кооз таштар офит, офикальцит, людвигит жука катмарча, линза (3x10 м) түрүндө акиташ менен мрамордун арасында жатат. Офикальциттин сайкалданган бети күзгүдөй жалтырап тунук, саргыч түскө бөлөнүп, өтө кооз көрүнөт. Людвигит өңү кара, сары темгилдүү. Асыл жана кооз таштар катары пайдаланууга болот. Болжолдуу запасы 0,5 миң м3.
Колдонулган адабияттар
[түзөтүү | булагын түзөтүү]- Кыргызстандын кен байлыгы: Энциклопедиялык окуу куралы/Мамлекеттик тил жана энциклопедия борбору. Бишкек – 2004, ISBN 9967-14-009-7
- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5