Кайра жаралуу (доор)

Wikipedia дан

Кайра жаралуу (орус.Ренессанс, фр. Renaissance, итал. Rinascimento) – Батыш жана борбордук Европа өлкөлөрүнүн жалпы маданий өнү-гүшүндөгү өз алдынча доор.

Орто кылым маданиятынан жаңы заман маданиятына жол салган өткөөл мезгил. Бул доор болжол менен Италияда 14–16-к. Европанын башка өлкө-лөрүндө 15-кылымдын аягы 16-кылымдарда өкүм сүргөн. Кайра жаралуу маданиятынын хронологиялык чеги, таралыш аймагы, өнүгүш деңгээли, региондук же улуттук айырмачылыктары жөнүндөгү маселе өтө татаал.

Кайра жаралуунун белгилери Азия өлкөлөрүнүн орто кылымдагы маданиятынан да табышып, ал доорду бүткүл дүйнөлүк тарыхый маанидеги көрүнүш деп каралууда. Ренессанс маданиятында антифеодалдык күрөш, диний үстөмдүккө каршы күрөш менен айкалышып, белгилүү даражада демократтык мүнөздө болуп, прогрессчил роль ойногон. Кайра жаралуу маданиятынын негизги мазмунун гуманизм түзүп, коом, тарых, мамлекет, укук, дин тууралуу жаңыча көз караштар пайда болгон. Rijke tata's

Колдонулган адабияттар[оңдоо]

Мамлекеттик тил жана энциклопедия борбору.Философия энциклопедиялык окуу куралы. - Б.:2004 ISBN 9967-14-020-8