Кайыңды суусу, Манас району

Кайыңды суусу
Мүнөздөмө
Узундугу	43 км
бассейндин аянты	282 км²
Суу агымы
Аягы	Талас дарыясы
Жайгашкан орду
Өлкө	Кыргызстан
Област	Талас облусу
Район	Манас району

Кайыңды суусу, Манас району, Чоң Кайыңды, Үлкөн Кайыңды – Манас районундагы суу. Талас дарыясынын алабына кирет. Узундугу 43 км, алабынын аянты 282 км². Агымы Чеч-Дөбө кыштагынан 8 км түндүк-батыштан үзүлөт. Кыргыз Ала-Тоосунун батыш бөлүгүнүн түштүк капталынан, айрым куймалары Эчкили-Тоодон агып түшөт. Алабынын деңиз деңгээлинен орточо бийиктиги 1950 м. Жалпы узундугу 456 км болгон 184 куймасы бар; негизгилери Кичи Кайыңды (20 км; алабынын аянты 79 км²), Сөгөт (15 км; 26 км²), Кара-Арча (14 км; 60 км²). Кар (90%) жана жамгыр (10%) сууларынан куралат. Марттан июлга чейин ташкындап, август-февралда тартылат. Көп жылдык орточо чыгымы 0,85 м³/сек. Суусу мол; апрель-май айларынын орточо чыгымы 3,0 м³/сек; суусу ноябрь-февраль айларында тартылат (0,15-0,25 м³/сек). К-дан 1,65 м³/сек суу өткөрүүчү 6 сугат каналы чыгарылган; негизгилери: Акпай, Кырк-Казык. Өрөөнүнөн Кайыңды, Чеч-Дөбө, Покровка кыштактары орун алган.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5