Каракүнгөй, тоо

Wikipedia дан
Jump to navigation Jump to search

Каракүнгөй тоосу - Ички Теңир-Тоодо. Тескей Ала-Тоонун түндүк-батыш тармагы. Улакол-Семизбел өрөөнү менен Каракүнгөй (Кочкордун оң куймасы) суусунун аралыгынан орун алган. Кочкор жана Тоң райондорунун аймагында. Узундугу 22 км, туурасы 7 км. Орточо бийиктиги 3700–3800 м, эң бийик жери 4081 м. түндүк-батыштан түштүк-чыгышка карай бийиктеп, курчап жаткан өрөөндүн таманынан 1200–1300м. көтөрүлүп жатат.

Кыры чыгышында аскалуу, айрым жерлеринде мөңгү кездешет, капталдары тик жана кыска; батышында тайпагыраак, капталдары жантайыңкы. тоодон Каракүнгөй, Борке, Сарытөр суулары (Улаколдун сол куймалары) башталат. Негизинен палеозойдун башталышында пайда болгон кумдук, алевролит, сланец тектеринен туруп, айрым жерлерин ордовиктин гранит, гранит-диорит интрузия тектери жиреп чыккан. Кургак талаа жана майда бадал аралашкан талаа (2600 м бийиктикке чейин), шалбаалуу талаа (2600–2900 м), субальп жана альп шалбаалуу талаа (2900–3500 м), андан жогору нивалдык-гляциалдык ландшафт алкактары мүнөздүү. Жайыт.

Колдонулган адабияттар[оңдоо | булагын оңдоо]