Кардинал

Википедия дан

Кардинал (лат. cardinalis – башкы) – католик чиркөөсүндөгү Рим папасынан кийинки диний даража, ушул даражага ээ дин кызматкери, папанын жакын кеңешчиси жана чиркөөнү башкаруу боюнча жардамчысы. Кардиналды рим папасы дайындайт, ал эми папаны кардиналдар коллегиясы шайлайт (1179-жылы Латерандык собордун токтому). 1586-жылы Рим папасы Сикст Унин учурунда кардиналдын саны 70 болсо, папа Иоанн XXIII жана Павел VIнын убагында 131ге жетип, епископтор гана кардиналдыкка шайланган. Курамына Азия жана Африка өлкөлөрүнүн өкүлдөрү кирген. Римде жашаган кардинал Ватикандын Борбордук органдары – конгрегация, трибуна ж. б-ды башкарган. Кардиналдар кардинал-епископтор, кардинал-пресвитерлер, кардинал-дьякондор болуп бөлүнөт. Павел VIнын чечими (1970) менен 75ке чыккан кардинал пенсияга чыгат, ал эми 80 жаштан коллегиянын мүчөсү боло берет, бирок рим куриясынын курамына кирүү жана жаңы папаны шайлоо укугу жоюлат.

Колдонулган адабияттар[түзөтүү | булагын түзөтүү]