Керимбаев Сүйүн

Wikipedia дан

Керимбаев Сүйүн (1915-жылы туулган, Чүй облусу, Сокулук району, Кызылтуу айылы) – тарых илимдеринин доктору (1984). Ата Мекендик согуштун катышуучусу. 1935-жылы Бишкектеги педегогикалык техникумду бүтүрүп, ошол эле жерде мугалим болуп иштеген. 1941-жылы Ленинград мамлекеттик университетинин тарых факультетин бүткөн. 1946–1956-жылдары СССР Илимдер Академиясынын Кыргыз филиалынын улуттук маданий, кийин тарых музейинин директору болуп иштеген. 1957–1970-жылдары Кыргызстан Илимдер Академиясынын Тарых институнда совет доору секторун жетектеген. 1970-жылдан илимий кызматкер. Эмгектери Кыргызстандын тарыхынын Улуу Ата Мекендик согуш мезгилине арналган, ошондой эле Кыргыз тарыхынын бардык томдоруна автор жана 2–3-басылыштын редакциялык коллегиясынын мүчөсү. 90дон ашуун (адабий илимдин, 3 монография) илимий эмгектин автору. Эмгек Кызыл Туу, Кызыл Жылдыз, «Ардак Белгиси» ордендери жана медалдар менен сыйланган. Кыргыз Республикасынын илим жана техника боюнча мамлекеттик сыйлыгынын лауреаты (1970-жылы)




Колдонулган адабият[оңдоо | булагын оңдоо]

Кыргыз Тарыхы. Энциклопедия. Бишкек, 2003
Мамлекеттик тил жана энциклопедия борбору. И. Арабаев ат. Кыргыз Мамлекеттик Педагогикалык Университети
Башкы ред. Ү.А. Асанов, Жооптуу ред. А. А. Асанканов
Ред. кеңеш: Ө.Ж. Осмонов (төрага), Т.Н. Өмүрбеков (жооптуу катчысы), А.Ж. Жуманалиев, ж.б.