Кулунду талаасы

Кулунду талаасы, Кулунду түздүгү Батыш Сибирдин түштүгүндө. Иртыш жана Обь дарыясынынын аралыгында, Алтай крайынын жана Павлодар облусунун аймагында жайгашкан. Түндүгүнөн Бараба талаасы менен чектешет. Аянты 100 км²дей. Жеринин бети күдүрлүү (бийиктиги 250 мге чейин). Түздүк аркылуу Күчүк, Кулунду ж. б. дарыялар агат; туюк көлдөр бар. Көлдөрдө сода (Петухов, Танатар көлдөрүндө), глаубер (Кулунду, Күчүк) жана кайнатма туздарынын (Чоң жана Кичи Яровой) запасы мол. Климаты континенттик; январдын орточо температурасы —17°Сден —19°Сге чейин, июлдуку 19—22°С. Түндүгү менен чыгышына дан өсүмдүктөрү, түштүгү менен батышына шыбак-дан өсүмдүктүү талаа ландшафты мүнөздүү (көп бөлүгү айдалган). Жалчалардын капталдары кызыл карагайлуу токой. Кулунду талаасы — Батыш Сибирдин сүт багытындагы мал чарбасы жана дыйканчылыгы өнүккөн аймагы.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9