Кургактепчи мөңгүлөрү

Кургактепчи мөңгүлөрү — Борбордук Теңир-Тоодогу Акшыйрак тоо тоомунун чыгыш капталында жайгашкан өрөөн тибиндеги эки мөңгү.

Сарыжаз суусунун сол куймасы Үчкөлдүн алабында. Сол тарабындагы мөңгүсүнүн уз. 4,1 км, аянты 4,6 км², көлөмү 0,489 км3. Абляция облусунун аянты 2,2 км². Башы деңиз деңг. 5040 м, этеги 3850 м бийиктикте жатат. Кар чегинин бийикт. 4230 м. Этегинин калыңдыгы 100 м. Оң капталдан жүрүп туруучу кар көчкүдөн куралат. Оң жак мөңгүсүнүн уз. 4,5 км, аянты 5,0 км², көлөмү 0,250 км³, абляция облусунун аянты 2,0 км². Башы деңиз деңг. 5040 м, этеги 3910 м бийиктикте жатат. Кар чегинин бийикт. 4200 м. Кар көчкүлөрдөн куралат. Этегинин калыңдыгы 50 м. Мөңгү 1933–58-ж. 670–720 мге тартылып, аянты 0,23 км²ге кичирейген. Андан Кургактепчи суусу башталып, Үчкөл суусуна оң тараптан куят.

Колдонулган адабияттар

• Кыргызстандын географиясы. Бишкек: Мамлекеттик тил жана энциклопедия борбору, 2004, s. 71–72. ISBN 9967-14-006-2