Күдүңбай

Күдүңбай — "Манас" эпосунун эпизоддук кейипкери. Акунбешим пааша жеңилгенде Олуя-Атага качып барышкан Мерки жайсаң менен Шамың шаа ал жердеги Меркеш, Дабагы болуп кеңеш куруп, ошол чөлкөмдө жашаган кыргыздарды кырмак болушат. Кетелик аттуу калмак кыргыз К-га калмактардын кеңешин айтат, К. элге кабарлайт, эл качат (Сагымбай Орозбаков, 2. 145).

Колдонулган адабияттар

• "Манас" энциклопедиясы/Мамлекеттик тил жана энциклопедия борбору.Бишкек: Кыргыз энциклопедиясынын Башкы редакциясы, - 1995. 1-т. - 440 б. ISBN -5-89750-013-4