Люблин шаары
Люблин шаары – Польшанын чыгышындагы шаар. Быстшица дарыясынын боюнда жайгашкан. Люблин воеводдугунун (административдик-аймактык бирдик) административдик борбору. Калкы 349,3 миң (2010). Жолдор тоому. Өлкөнүн чыгышындагы экономикалык жана маданий борбор. Машина куруу (анын ичинде автомобиль), тамак-аш–татымал, булгаары–бут кийим, тигүү өнөр жай ишканалары иштейт. 10-кылымдан белгилүү. Университет, музей бар. Архитектуралык эстеликтери шаардын эски бөлүгүндө жайгашкан. Сепил (учурда музей; 13– 19-к.), ратуша (14–18-к.), готика, ренессанс, барокко стилиндеги турак жайлар менен костёлдор (14–18-к.) сакталган. Люблинге жакын Майданек мамлекеттик музейи (1941–44-ж. фашисттик концлагер болгон; 1,5 млнго жакын адам жок кылынган) жайгашкан.
Колдонулган адабияттар
[түзөтүү | булагын түзөтүү]- “Кыргызстан”. Улуттук энциклопедия: 5-том. Башкы ред. Асанов Ү. А., Б.: «Кыргыз энциклопедиясы» башкы редакциясы, 2014. ISBN 978—9967—14-111-7