Марийлер

Википедия дан

Марийлер (өздөрүн мари, марий деп аташат, мурда черемистер деп аталган) – Россия Федерациясындагы эл (644 миң), Марий Эл Республикасынын жергиликтүү калкы (312,2 миң). Башкыртстанда (105,8 миң), Татарстанда (18,8 миң), Удмуртияда (9,0 миң), Нижегород (7,8 миң), Киров (38,9 миң), Тюменде (11,0 миң), Свердлов (27,9 миң) жана Пермь областарында (5,4 миң), да жашашат. Жалпы саны 604,3 миң киши (2002). Алар үч негизги субэтностук топко (тоо, талаа жана чыгыш) бөлүнөт. Тоо марийлери Волганын оң жээгин, талаа марийлери Ветлуж-Вятка дарыясынын ортосун, чыгыш марийлер Башкыртстан аймагын мекендешкен. Марий жана орус тилдеринде сүйлөшөт. Христиан динин тутушат. Марийлердин этностук негизин финн-угор уруулары түзгөн. Марийлердин калыптанышына жана өнүгүшүнө түрк элдеринин (болгар, чуваш, татар) жана орустардын таасири тийген. Негизги кесиби – дыйканчылык, мал чарбачылык, аарычылык, балык кармоочулук. Улуттук кийими – туника сымал бычылган көйнөк, ыштан, узун этектүү кафтан, эркектер башына кийиз калпак кийип, белине кур курчанат. Аялдар алжапкыч тагынып, кооздуктарды колдонушат. Тамак-ашы негизинен дан, эт, сүт азыктары.

Колдонулган адабияттар[түзөтүү | булагын түзөтүү]