Маркакөл

Маркакөл, Маркакуль – Казакстандагы көл. Алтайда. Аянты 449 км². Узундугу 38 км, тереңдиги 30 м. Тоо аралык өрөөндө, деңиз деңгээлинен 1449 м бийиктикте жайгашкан. Түштүк жээги жардуу, түндүгү ойдуңдуу. Калжыр дарыясы аркылуу Зайсан көлү (Иртыштын алабы) менен туташат. Көлдүн деңгээли 1 мге чейин өзгөрөт. Суусу тузсуз, аз минералдашкан. Ноябрда тоңуп, майда ачылат. Кар-мөңгүдөн куралган бир нече суу куят. Балыкка бай.

Колдонулган адабияттар

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7