Масанчи Магазы
Масанчи Магазы (1885, Пишпек уезди, Каракоңуз айылы, азыркы Чүй району, Масанчи айылы – 1938) – Орто Азия жана Казакстанда Совет бийлигин орнотууга жигердүү катышкан. 1910–17-жылдары падыша аскеринде кызмат өтөгөн. Граждандык согуш мезгилинде Кызыл Армиянын улуттук бөлүктөрүн түзүүгө (1919–20), Ташкенде, Кара-Колдо, Верныйда совет бийлигине каршы козголоңдорду басууга катышкан. Масанчи 1919-жылдан дуңган атчан полкун жетектеген, Жетисууда алгачкы дуңган мектебин ачууга чоң салым кошкон. 1921-жылы Коминтерндин 3-курултайында В.И.Ленин менен жолугушкан. «Кошчу» союзунун обкомуна мүчө. 1932-жылдан Өзбекстанда юстиция эл комиссарынын орун басары болгон. Репрессияланып атылган.
Колдонулган адабият[түзөтүү | булагын түзөтүү]
“Кыргыз тарыхы” Бишкек 2003. “Мамлекеттик тил жана энциклопедия борбору” “И.Арабаев атындагы Кыргыз мамлекеттик тил Педагогикалык университети”