Монацит
Монацит (гр. monazō – жалгыз жашайм) – церий тобундагы сейрек жер элементтеринин минералы. Химиялык формуласы (Ce, La, Y, Tn) [PO4]. Моноклин сингониясында кристаллдашат. Өңү-түсү киргилт сары, күрөң, кызгылтым, көгүш сымал. Айнекке окшоп жылтырайт. Катуулугу 5–5,5. Пегматит, гранит жана сланецтердеги гидротермдүү карбонат тарамчаларында кездешет. Дарыялардын жайылмасында, деңиз жээктеринде кен чачындыларын пайда кылат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7