Мөскөө мамлекеттик университети

Wikipedia дан
(Москва мамлекеттик университети барагынан багытталды)
Москва мамлекеттик университети. 1820-жылдар.

Мөскөө мамлекеттик университети, Михаил Ломоносов атындагы Мөскөө мамлекеттик университети кыскасы ММУ; (орусча "Московский государственный университет имени М.В.Ломоносова", кыскасы МГУ; англисче Moscow State University) - Орусыядагы эң эски жогорку окуу жайлардын бири (1755).

Кыскача таржымакалы[оңдоо | булагын оңдоо]

ММУнун Мохова көчөсүндөгү окуу имараты.

Мөскөө мамлекеттик университети падышалык Орусыяда 1755-жылы түзүлгөн.

1919 - Мөскөө мамлекеттик университети (орусча-Московский государственный университет) деп аталып калган.

1940 – "Михаил Ломоносов атындагы Мөскөө мамлекеттик университети" аталышын алган. Азыр да ушул аталышка ээ.

ММУ жана Кыргызстан[оңдоо | булагын оңдоо]

ММУдан совет доорунда жана пост-советтик мезгилде жүздөгөн кыргызстандыктар таалим алып, кандидаттык жана доктордук диссертацияларын коргошкон.

Алардын арасында тарыхчылар Чынара Жакыпова, Нарынбек Алымкулов, жана башкалар бар.

Азыр да бул окуу жайда иштеп жаткан кыргызстандыктар бар.

Алардын арасында - мурдагы президент, академик Аскар Акаев.

Учурда ММУ - Орусиядагы эң мыкты (№ 1) университет.

Дүйнөлүк рейтинг[оңдоо | булагын оңдоо]

ММУ жалпы КМШ аймагындагы мыкты университеттердин алдыңкы сабында турат.

Ал эми дүйнөдө ал алдыңкы 150 университеттердин бири.

2012-жылы ММУ дүйнөдөгү мыкты 100 университеттин катарына кирбей калды.

“Таймс” журналы түзгөн мыкты 100 университеттен Мөскөө мамлекеттик университетинин 2012-жылы чыгып калуусун кыргыз илимпозу Алтай Бөрүбаев критерийдин кемчилигинен жана кандайдыр бир саясий оюндардан көрөт.

"Критерий бир жактуу каралган. Бул жерде да “саясат жыттанып” тургансыйт. Себеби былтыр 33-орунда турган Мөскөө мамлекеттик университети быйыл 100 эң мыктынын тизмесине кирбей калуусу мүмкүн эмес. Бир жыл ичинде Ломоносов атындагы университетте илимий изилдөө төмөндөп кетти, же билим берүүнүн сапаты төмөндөп кетти дегендин өзү - абсурд".

Академик Бөрүбаевдин пикирине кыргыз парламентинин мүчөсү Равшан Жээнбеков кошулбайт:

“Рейтинг чыгарууда саясат бар” деген туура эмес көз караш. АКШнын университеттери теориялык жактан да, практикалык жактан да дүйнөдө эң мыкты. Муну ЖОЖдорго илим-билимдин сапаты жагынан баа берген журналдардын, илимий борборлордун изилдөөлөрү эмес, практика да көрсөтүүдө. Мисалы, Орусыянын ЖОЖдоруна дүйнө жаштары аз барышат да, Батыштын, өзгөчө, АКШнын ЖОЖдоруна көп барышат. Себеби аларда сапаттуу, дүйнөнүн бардык мамлекеттеринде конвертация болчу (таанылган) дипломдор берилет".

Байланыш үчүн маалымат[оңдоо | булагын оңдоо]

Дареги:

119991, Российская Федерация, Москва, ГСП-1, Ленинские горы.

Интернет барагы: http://www.msu.ru/

Азыркы ректору:

Виктор Антонович Садовничий, физика-математика илимдеринин доктору, профессор, академик, Орусия ИАсынын анык мүчөсү.

Адабият[оңдоо | булагын оңдоо]

  • Факультет журналистики Московского государственного университета им. М.В.Ломоносова. Faculty of journalism Lomonosov state university = Faculty of journalism Lomonosov state university: фотоальбом / сост. текста: М.Е.Аникина, Г.В.Прутцков, Е.В.Сартаков; фот.: Г.А.Шпикалов, Д.Д.Линников. – М. – 2012. – 87 с.
  • Ежегодник-2011. Краткий отчёт о состоянии и действиях Московского государственного университета им. М.В.Ломоносова за 2011 г. – М. – 2012. – 784 с.
  • Из творческого наследия профессоров и питомцев Московского университета. 1755–1917: антология / сост. И.В.Петровицкая. – М. – 2012. – 464 с.
  • История Московского университета. Вторая половина XVIII – начало XIX в. Т. 2 / сост., авт. вступ. статей и примечаний Д.Н.Костышин. – М. – 2011. – 376 с.
  • Лауреаты премий имени М.В.Ломоносова. 1944–2010. К 300-летию со дня рождения М.В.Ломоносова / авт.-сост. Е.В.Ильченко. – М. – 2011. – 616 с.
  • Музей истории Московского университета / под общ. ред. А.С.Орлова. – М. – 2011. – 67 с.
  • Новоселье биологов МГУ на Ленгорах / сост. Л.И.Лебедева. – М. – 2011. – 734 с.
  • От недр своих...: стихи выпускников, преподавателей и сотрудников геологического факультета. – М. – 2011. – 250 с.
  • Первые профессора и питомцы Московского университета – писатели, журналисты, издатели. 1755–1917: буклет / сост. И.В.Петровицкая. – М. – 2012. – 195 с.
  • Сердюцкая О.В. Историография отечественного университетского образования // Высшее образование в России. – 2011. – №8–9. – С. 141–146.
  • Садовничий В.А. Высокая планка МГУ: интервью // Ректор вуза. – 2012. – №7. – С. 4–11.

Интернеттеги шилтемелер[оңдоо | булагын оңдоо]