Ничке-Сай айыл аймагы
Ничке-Сай айыл аймагы — Кыргызстандын Токтогул районундагы административдик-аймактык бирдик. Ничке-Сай, Чоргочу айылдарынан турат. Административдик борбору ― Ничке-Сай айылы.
Жалпы жеринен аянты 30,8 миң га, айдоо жери 920 га, анын 620 гасы сугат жер, 300 гасы кайрак жер.
Жалал-Абад облусунун административдик борбору — Жалал-Абад шаарынан 335 км, райондун административдик борбору ― Токтогул шаарынан 60 км түштүк-чыгыш тарапта, Ташкөмүр темир жол бекетинен 185 км.
Тарых
[түзөтүү | булагын түзөтүү]1930-жылдары негизделген. Комсомол, Ничке, Жарташ, Кайынды, Кызылчарба колхоздору биригип, айыл кеңеши түзүлгөн.
Калк
[түзөтүү | булагын түзөтүү]Калкы — 3100 (2004-жылы); негизинен дыйканчылык, мал чарбачылыгында эмгектенишет.
Инфратүзүм
[түзөтүү | булагын түзөтүү]Эки орто мектеп, мечит, айылдык врачтык амбулатория, фельдшер-акушердик пункт, 3 тегирмен, 2 май чыгаруучу цех, 3 устакана бар.
Булактар
[түзөтүү | булагын түзөтүү]Токтогул району: Энциклопедия/ Башкы ред. Ү. Асанов; Ред. колл.: О. Ибраимов (төрага) ж. б. - Б.: Мамлекеттик тил жана энциклопедия борбору, 2005. 292 б., ил. ISBN 9967-14-030-5