Обозов Алайбек Жумабекович

Обозов Алайбек Жумабекович (28. 5. 1954-ж. туулган, Ош облусу, Алай району, Сопу-Коргон айылы) – техника илимдеринин доктору (2003). ФПИни (1977) бүтүргөн. КР УИАнын Автоматика институтунда лаборант (1975–77), инженер (1977–79), кенже (1979–81) жана улук (1981–83) илимий кызматкер, лаборатория башчысы (1992–98). Өкмөткө караштуу иш долбоорунун генералдык директору (1998–2003), ошондой эле мезгилде Калыбына келүүчү энергия булактарын колдонуу проблемалары (маселелери) боюнча борбордун генералдык директору (1998–2003), КТУда кафедра башчысы (2003–07), 2007-жылдан КТУнун алдындагы дистанциялык окутуу жана квалификацияны жогорулатуу борборунун директору. Калыбына келүүчү адаттагы эмес энергия булактары боюнча адис. 230дан ашык илимий эмгектин, анын ичинде 6 монография, 14 патент жана ойлоп табуулардын ээси.

Эмгектери

• Нетрадиционные источники энергии для малоэнергоемких объектов (в соавторстве). Ф., 1990;
• К вопросу теоретического и практического обоснования коэффициента отбора мощности биколесной ветроустановки. СПб., 2001.
• Возобновляемые источники энергии (в соавторстве). Б., 2010.

Колдонулган адабияттар

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7