Пекос
Пекос (Pecos) – АКШнын түштүк-батышындагы дарыя, Рио-Гранденин сол куймасы. Узундугу 1215 км, алабынын аянты 101 миң км2. Аскалуу тоолордон башталып, Льяно-Эстакадо платосун терең өрөөн аркылуу кесип өтөт. Сугатка кеңири пайдаланылгандыгына байланыштуу суусунун орточо чыгымы төмөнкү агымында 8 м3/секдан ашат. Суу сактагыч курулган. Боюнда Карлсбад шаары жайгашкан.
Колдонулган адабияттар[түзөтүү | булагын түзөтүү]
- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9