Перт
Перт – Австралиянын түштүк-батышындагы шаар. Батыш Австралия штатынын административдик борбору. Калкы 1,7 млн (2010). Эл аралык аэропорту бар. Инди океанынын жээгиндеги порт (аванпорту – Фримантл; жылына 15 млн т жүк ташылат). Транспорттук машина куруу, химиялык, текстиль, тамак-аш өнөр-жай ишканалары иштейт. Эки университет, китепкана, музей, театр бар.
Шаар 1829-ж. капитан Жеймс Стерлинг тарабынан негизделген.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9