Полицитемия

Wikipedia дан
Jump to navigation Jump to search
Полицитемия менен ооруган кишинин териси

Полицитемия (байыркы грек тилинен πολυ- — «көп» + гистологиялык κύτος — «клетка» + αἷμα — кан) (эритроцитоз) — кан пайда кылуучу органдын өнөкөт оорусу.

Себеби жана оорунун жүрүшү[оңдоо | булагын оңдоо]

Себеби белгисиз. Организм сууну көп жоготуп (мисалы, узакка ич өткөндө, кусканда, өтө тердегенде) кан коюуланганда жана башка учурларда байкалат. Полицитемия менен көбүнчө улгайгандар (40 — 60 жашта), чанда жаштар ооруйт. Лейкоздор тобуна кирет. Мында кандагы эритроцит көбөйөт, көк боор чоңоёт жана кемиктин активдүүлүгү күчөйт. Беттин, колдун жана буттун үстү кочкул кызыл тартат, бүйлөдөн, мурундан, карындан, жатындан кан агат. Четки кан тамырлар жабыркайт, артерия кан басымы жогорулап, нерв системасы бузулат.

Дарылоо[оңдоо | булагын оңдоо]

Дарылоодо кан агызылат, шишикке каршы дарылар берилет.

Колдонулган адабият[оңдоо | булагын оңдоо]

Кыргыз Совет Энциклопедиясынын Башкы редакциясы. «Ден - соолук» Медициналык энциклопедия. - Ф.:1991, ISBN 5-89750-008-8