Роберт Патрик

Wikipedia дан

Роберт Хэммонд Патрик кич. (англ. Robert Patrick;1958-жылы 5-ноябрда туулган) — америкалык актер, балким бузуку терс каармандын образдарын жаратканы менен көбүрөөк белгилүү. «Сатурн» сыйлыгынын төрт номинациясын жеңип алган.

Драма боюнча сабак Патриктин актердукка кызыгуусун ойготуп, ал мектепти таштап койгон соң 1986-жылы тасма чөйрөсүнө кирип кеткен. «Оңой менен өлбөгөн 2» (1990) тасмасында экинчи пландагы ролду аткаргандан кийин «Терминатор 2: Акыр заман» (1991) кинофильминдеги башкы терс каарман T-1000дин образын жараткан. Ушул эле образды менен ал «Уэйндин дүйнөсү» (1992) жана «Акыркы экшн каарман» (1993) тасмаларында эпизоддук ролдорду аткарган. Ал тартылган башка белгилүү тасмалар «Асмандагы атышуу» (1993), «Стриптиз» (1996), «Полиция мекени» (1997), «Факультет» (1998), «Тыңчы балдар» (2001), «Чарлинин периштелери» (2003), «Сызыктан басып өт» (2005), «Атабыздын байрактары» (2006), «Биз маршаллбыз» (2006), «Терабатиянын көпүрөсү» (2007), «Эчкиге үңүлгөн кишилер» (2009) жана «Коопсуз үйү» (2012) болуп саналат.

Телевидениеде Патрик «Купуя документтер» сериалындагы ФИБдин атайын агенти Жон Доггеттин жана «Бөлүм» сериалындагы Колонел Том Райандын ролун аткарганы менен белгилүү. Ошондой эле, ал «Мүмкүнчүлүктүн чектери», «Сопрано үй-бүлөсү», «Элвис», «Аватар: Акыркы аба башкаргыч», «Кара так», «Акыркы курорт», «Анархиянын балдары», «Күн баткандан чыкканга чейин» сериалдарында туруктуу ролдорду аткарган. Учурда ал «CBS» телеканалынын «Скорпион» телесериалында агент Кейб Галлонун ролун аткарып жүрөт.

«AllMovie» порталынын журналисти Трэйси Купер жазгандай, «Купуя документтер» сериалынын 2002-жылы бүтүшү менен Патрик бул индустрияда өзүнө бекем беделге ээ боло алган. Киносынчылар, күйөрмандар жана аны менен кошо тасмага тартылгандар Патриктин иштөө этикасын, мүнөзүн жана туруктуу аткаруу чеберчилигин жогору баалашкан. Ал актер жана режиссер Жэйсон Бэйтман тарабынан «эң мыкты терс каармандардын бири» деп табылган.

Өмүр таржымалы[оңдоо | булагын оңдоо]

Жеке жашоосу[оңдоо | булагын оңдоо]

Тартылган тасмалары[оңдоо | булагын оңдоо]

Шилтемелер[оңдоо | булагын оңдоо]