Ролф Шок сыйлыгы

Ролф Шок сыйлыгы (англ. Rolf Schock Prizes) - философ жана сүрөтчү Ролф Шоктун (1933-1986) урматына түзүлгөн жана анын мурасы тарабынан каржыланат. Сыйлык алгач 1993-жылы Швециянын Стокгольм шаарында ыйгарылган жана 2005-жылдан бери ар бир үч жылда тапшырылып турат. Ар бир жеңүүчү 400,000 швециядык крон сыйлыгына ээ болот (60,000 АКШ доллары). Ошондой эле Искусство жана Философия жаатында Инамори уюму түптөгөн ага окшош Киото сыйлыгы да бар.

Сыйлыктар төрт категорияда ыйгарылат жана швециялык үч Королдук Академия тарабынан чечилет.

• Логика жана Философия (Швециялык Королдук Илимдер Академиясы тарабынан чечилет)
• Математика (Швециялык Королдук Илимдер Академиясы тарабынан чечилет)
• Көркөм өнөр (Швециялык Королдук Искусство Академиясы тарабынан чечилет)
• Музыка өнөрү (Швециялык Королдук Музыка Академиясы тарабынан чечилет)