Рувума
Рувума (Ruvuma), Ровумa (Rovuma) – Чыгыш Африкадагы дарыя. Көп бөлүгү Танзания менен Мозамбиктин чек арасы боюнча агат. Узундугу 800 кмдей, алабынын аянты 150 миң км2, Ньяса көлүнүн чыгышындагы тоодон башталып, Инди океанына куят. Орточо чыгымы 700 м3/секдай. Ири куймасы – Луженда (оң). Төмөнкү агымынын айрым бөлүктөрүнө кеме жүрөт.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9