Стоматология

Wikipedia дан

Стоматология — медицинанын ооз көңдөйүндөгү органдардын жана жаак бет ооруларынын пайда болуу себебин, клиникалык белгисин жана аларды дарылоо, алдын алуу ыкмаларын иштеп чыгуучу тармагы. Стоматология терапиялык, хирургиялык жана ортопедиялык (жасалма тиш салуу) болуп бөлүнөт. Стоматология мындан башка ооз көңдөйүнүн былжыр челинин (к. Стоматит), жаак беттин сезгенүү процесстерин, тиш ооруларын (к. Тиштин чириши, Пародонтоз, Периодонтит, Пульпит), жаак, тиш, тил, эрин травмаларын, шилекей бездеринин ооруларын дарылайт жана изилдейт. Ортопедиялык стоматология тиш жана жаактын жабыркоолорун, кемтигин оңдоочу жасалма тиш жана жаак салуу методдорун иштеп чыгат.

Қолдонулган адабияттар[оңдоо | булагын оңдоо]

  • Ден соолук»: Медициналык энциклопедия/ Башкы ред. Борбугулов М. Б.;
  • Кырг. ССР ИА ж. б.— Ф.: Қырғыз Совет Энциклопедиясынын Башкы ред., 1991.— 456 б. ISBN 5-89750-008-8