Суйпу

Суйпу — "Манас" эпосунун эпизоддук кейипкери. Эсенкандын курдашы жана ал ишенген кытай аярларынын бири. Алтайдагы жаш Манасты жок кылуу үчүн жиберген көп балбан-баатырларынан ажыраганын уккан Эсенкан мурда Жарманасты Манас деп алып барган аярларына ачууланып кырганда С. да өлөт (Саякбай Каралаев, 1. 122).

Колдонулган адабияттар

• "Манас" энциклопедиясы/Мамлекеттик тил жана энциклопедия борбору. Бишкек: Кыргыз энциклопедиясынын Башкы редакциясы, - 1995. 1-т. - 440 б. ISBN -5-89750-013-4