Суркунан

Суркунан, Сур кийик, Суркоён — Багыштын тулпары. Манас төрөлгөндө өткөрүлгөн тойдо (Сагымбай Орозбаков, 1. 82), Көкөтөйдүн ашында байгеге чабылат: "Суркунандай күлүгү Албан күлүк мал эле Эр Багыштын жыландай болгон Суркоён" (Валиханов жазып алган эпизод, "Ала-Тоо", 1979, № 7, 90-б.), — деп сүрөттөлөт.

Колдонулган адабияттар

• "Манас" энциклопедиясы/Мамлекеттик тил жана энциклопедия борбору. Бишкек: Кыргыз энциклопедиясынын Башкы редакциясы, - 1995. 1-т. - 440 б. ISBN -5-89750-013-4