Сөз түркүмү

Wikipedia дан
Jump to navigation Jump to search

Сөз түркүмү - бир тилдеги сөздөрдүн лексикасемантикалык жана грамматикалык (морфологиялык, синтаксистик) өзгөчөлүктөрүнүн негизинде топтоштурулган бөлүмдөрү.

Айрым тилдерде сөзгө түшкөн басым да эске алынат. Сөз түркүмү эки топко бөлүнөт: маани берүүчү сөздөр (мис., кыргыз тилинде зат атооч, сын атооч, сан атооч, ат атооч, тактооч, этиш) жана кызматчы сөздөр (жандооч, байламта, бөлүкчө). Булардан башка да сөз түркүмүнүн өзгөчө түрү - сырдык жана тууранды сөз бар (к. Сырдык сөз, Тууранды сөз). Сөз түркүмү дүйнө тилдеринин баарында бар экени далилденген. Бирок алардын бири биринен айырмалоочу белгилери, өз ара бөлүштүрүлүш принциптери бир эмес.

Маселен, кыргыз тилинде сөз түркүмү лексика-семантикалык жана грамматикалык бөтөнчүлүктөрүнө карата бөлүштүрүлөт. Ушул негизден азыркы кыргыз тилинде 11 сөз түркүмү бар экени аныкталып, алардын ар бири боюнча изилдөө жүргүзүлгөн.

Колдонулган адабияттар[оңдоо | булагын оңдоо]

Колдонулган адабият Тил энциклопедиясы / Түз.А. А. Джапанов: Оңд., толукт., кайрадан 2-бас. - Б.: Турар, 2010. -548 б. ISBN 978-9967-44-24-9