Талкуу:Калыгул Бай уулу
Бул жерде Б. Солтоноевдеги «...Кийинки жылы 1793-(уй жылы) солтодон Кудайберди, сарбагыштан Эсенгул баштык болуп, кыргыздан кыштын күнү көп кол барып, Иленин күн чыгыш жак жээгинде согушуп, «Көкүмбулак» деген жерде Бердикожону өлтүрүп, казакты чаап, көп мал-мүлк олжо алып кайткан. Ушул согушка жети жашар Калыгул даанышманды бышыктырмак үчүн Эсенгул ээрчите барган» деген кабарга (кара: Солтоноев Б. Кыргыз тарыхы, Б., 2003. 193–194-б.) таянуу менен Калыгулдун туулган жылы кийинки маалыматтарда туура эмес берилип жүрөт. Ал эми 1786-ж. 13-февралда тилмеч Киленей Мамлимден уккан И.Г. Андреевдин маалыматы менен салыштырып (кара: Андреев Г.И. Описание Средней орды киргиз-кайсаков. А., 1998. 79 – 80-б.), мындан да тагыраак жыйынтык чыгарууга болот. Анда, тоолук кыргыздарга каршы жортуулга даярданып, кол жыйнаган чанычкылы (чашклы) болуштугунун бийи Берды-хожанын ошол жылы (1786-ж.) январь айында өлтүрүлгөн. Демек Калыгул болжол менен 1779-ж. туулган болуп чыгат. Ушул жагы эске алынса жакшы болот эле.
«Калыгул Бай уулу» жөнүндө талкууну баштоо
Талкуу барактарында, тийиштүү барактын мазмуну кеп кылынат. «Калыгул Бай уулу» барагын башкалар менен талкууласаңыз болот.
