Таш Өбөк
Таш Өбөк — ат үстүндө үңкүйүп (өңкөйүп, өбөктөп) уктоо. Эки колун бооруна кайчылаштыра ээрдин кашын карай өбөктөп отурган абал да Т. ө. делген. Мисалы, "Манас" эпосунда Коңурбай Чоң-Бээжинге кире албай Манасты аңдып жүргөндө, ошол күнү кезеги келип Манасты кайтарган Ажыбай Т. ө. салып уктап калып Коңурбайды өткөрүп жибергени төмөнкүчө сүрөттөлөт:
Ат үстүнөн найзасын
Кара жерге уруптур,
Таш өбөктү салыптыр,
Найзасына жөлөнүп
Карт күрөңдүн үстүндө
Катуу уктап калыптыр (Саякбай Каралаев, 2. 170).
Колдонулган адабияттар[түзөтүү | булагын түзөтүү]
- "Манас" энциклопедиясы/Мамлекеттик тил жана энциклопедия борбору. Бишкек: Кыргыз энциклопедиясынын Башкы редакциясы, - 1995. 1-т. - 440 б. ISBN -5-89750-013-4