Терек суусу (Ак-Талаа району)
Терек суусу, Ак-Талаа району – Ички Теңир-Тоодогу суу, Нарындын сол куймасы. Ак-Талаа районун аймагында. Жаман-Тоонун түндүк капталынан агып түшөт. Узундугу 67 км, алабынын аянты 826 км2. Теректин 27 куймасы бар. Кар жана жаан-чачын сууларынан куралат. Кээде кышында соолуп да калат. Алтай дарыяларынын тобуна кирет. Жылдык орточо чыгымы 0,8 м3/сек, модулу 1 л/сек км2. Чыгымы көп жылдар боюнча жана жыл ичинде да кескин өзгөрүүлөргө дуушар болуп турат. Боюнда Терек, Баетов, Үгүт кыштагы жайгашкан.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9