Тоокеарык

Тоокеарык – б. з. ч. 3-кылым – б. з. 4-кылымына таандык каналдын калдыгы. Ош – Карасуу оазисинин түштүк-чыгыш тарабындагы Акжар кыштагына жакын жерден табылган. Талдык суусунан башталып, анын оң өйүзү боюнча Акжар кыштагы, андан түндүк-батышты көздөй бурулуп, Шалтак дөбөсүнөн өтүп жоголот. Уз. 9 км, тереңдиги 1,2 м, туурасы 4–5 м болгон. Тоокеарыкты байыркы заманда жана орто кылымда отурукташкан эл сугат үчүн пайдаланган.

Колдонулган адабият

Кыргыз Тарыхы. Энциклопедия. Мамалекеттик тил жана энциклопедия борбору. Бишкек, 2003. И. Арабаев атындагы Кыргыз мамлекеттик педагогикалык университети.