Тышкы соода

Тышкы соода — өлкөлөрдүн ортосунда товарларды жана кызмат көрсөтүүлөрдү экспорттоо жана импорттоо соодасы. Негизинен соода келишимдери аркылуу таризделүүчү коммерциялык бүтүмдөр менен ишке ашырылат.

Өлкөнүн тышкы соодасы мамлекет тарабынан жөнгө салынат. Ал үчүн бажы тарифтери, лицензиялоо, контингентирлөө ж.б. тарифтик эмес чектөөлөр, ошондой эле экспортту жана башка каражаттарды түз жана кыйыр каржылоо сыяктуу каражаттар колдонулат.