Фарерликтер
Фарерликтер (фар. Føroyingar [ˈføːrɪŋgar]) — скандинав эли. Фарер аралдарынын (Данияга караштуу) түпкү калкы.
Жалпы саны 70 миң адам.
Тил
[түзөтүү | булагын түзөтүү]Фарер тили герман тобуна кирет. Дания жана англис (айрыкча жаштардын арасында) тилдери да кеңири таралган.
Ишенимдер
[түзөтүү | булагын түзөтүү]Фарерликтердин көбү Дүйнөлүк лютеран федерациясына кирген Фарер элдик чиркөөнүн мүчөлөрү.
Келип чыгышы
[түзөтүү | булагын түзөтүү]Фарерлерликтер норманндардын (Норвегиянын түштүк-батыш жээгинен чыккан) жана жарым жартылай Шетланд менен Оркней аралдардын кельт калкынын тукумдары.
1035-жылы аралдар Норвегиянын падышаларынын бийлигине өткөн.
14 — кылымдын аягынан Норвегия менен бирге Дания падышаларынын жогорку бийлиги астында. 1814-жылы Фарер аралдары Даниянын бийлигине толук өткөн. 1940-1945-жылдары Фарер аралдары британ оккупациясында болгон. 1948-жылы Фарер аралдары автономиялуу аймак статусун алган.
Генетикалык жана антропологиялык жактан норвегиялыктарга, исланддарга жана кельттерге жакын.
Чарбачылык иштер
[түзөтүү | булагын түзөтүү]- Балыкчылык.
- Киттерге аңчылык (гринда ж.б.).
- Малчылык (кой, уй).
- Дыйканчылык (дан тоют).
- Флейастон (узундугу 3,5 м, эки жарым метрлик бутактын ортосунда жип тору менен) менен канаттууларды кармоо жана уялардан жумуртка чогултуу. Азыркы учурда улуттук спорт катары сакталууда.
Тамак-аш
[түзөтүү | булагын түзөтүү]Кой сыры, балык, койдун жана киттин эттери. Туз азыраак колдонулат.
Салттуу кийим
[түзөтүү | булагын түзөтүү]Эркектердики:
- токулган свитер;
- кара же көк камзол эки катар күмүш топчу жана тик турган жакасы менен;
- кызыл жилет;
- кыска, тизеден ылдый шым;
тизеден жогору кооздолгон байпак;
- кара булгаары бут кийим;
- эки мүйүздүү баш кийим.
Аялдардыкы:
- көкүрөгүндө боолору бар токулган кофта;
- горизонталдуу геометриялык же ботаникалык оймо-чиймелер менен узун алжапкычтар (узун юбкалардын үстүндө);
- ийиндеринде жука жүн жолук, чоң күмүш топчу менен алдыңкы жагына бекитилген;
- булгаарыдан тигилген жумшак, ичке тамандуу сары бут кийим.