Чортонбаева Күлүмкүл

Чортонбаева Күлүмкүл (1. 11. 1949-ж. туулган, Жайыл району, Суусамыр кыштагы) - партиялык жана чарба кызматкери. Жеке ишкер.

• Суусамыр орто мектебин алтын медаль менен аяктаган (1967).
• Фрунзе политехникалык институтунун механикалык факультетин бүтүргөн (1972).
• Эмгек жолун 1972-ж. Ош шаарындагы автомобилдерди оңдоочу заводдо мастер болуп баштаган.
• Суусамыр МЖСинде диспетчер, мастерскойдо калыпка салгыч жана механик (1974-81) болуп эмгектенет.
• «Суусамыр» совхозунун профсоюз уюмунун төрайымы (1981-83), «Кызыл-Ой» совхозунун партиялык уюмунун катчысы (1983-84), Жумгал райондук партия комитетинде жалпы бөлүмдүн башчысы (1984-90), «Суусамыр» совхозунун директорунун орун басары (1990-92), Суусамыр райондук депутаттар кеңешинин (1992-95) жана айыл өкмөтүнүн жооптуу катчысы (1995-97) болгон.
• Учурда ардактуу эс алууда болгонуна карабастан жеке ишкерлик менен алектенет.
• Суусамыр кыштагында соода түйүндөрдү ачкан.
• Баласы Нурлан менен чет мамлекеттерден машина алып келип соодалашат.
• Өрөөндүн коомдук иштерине да активдүү катышып келет.
• Жумгал райондук партия комитетине мүчө (1984-90), Суусамыр айылдык кеңешине 4 жолу (1976-84) жана Жумгал районунун Чаек айылдык кеңешине депутат (1986-90) болуп шайланган.
• Бир нече Ардак грамоталарга татыктуу болгон.
• Шааболот уруусунан.

Колдонулган адабияттар

Суусамыр: Энциклопедия /Башкы ред. Ү. Асанов. - Б.: Энцик. борбору, 2010. - 312 б., илл. ISBN 978-9967-14-076-9