Эсеналиев Эркин Шаршенбекович

Эсеналиев Эркин Шаршенбекович (1. 8. 1960-ж. туулган, Фрунзе ш.) - милициянын полковниги жана жетекчи кызматкер.

• 1977-ж. Суусамырда 8-Март орто мектебин аяктаган.
• СССР ички иштер министрлигинин алдындагы милициянын жогорку мектебин бүтүргөн (1982).
• Эмгек жолун 1977-ж. Фрунзе шаарында жумушчу болуп баштаган.
• 1982-ж. Фрунзе шаарындагы Свердлов РИБисинде инспектор, КР ИИМинин кылмышкерди иликтөө башкармалыгында инспектор (1984-88), Фрунзе шаарындагы Свердлов РИБисинде начальниктин орун басары(1988-91), Чүй облустук ИИБисинде начальниктин орун басары (1991-95), начальник болуп эмгектенген.
• Андан кийин Аламүдүн РИБисинде начальник (1995-2001), Ош облусунун ИИБсинде начальниктин орун басары (2001OS), Баткен облусунун ИИБсинде (2005-08), 2008-жылдан Ысык-Көл облустук ИИБсинде начальник.
• 1980-ж. Москва шаарында өткөн олимпиалык оюндарда коомдук тартипти сактоого катышкандыгы үчүн СССР ИИМдин алкышына татЫктуу болгон.
• 2-даражадагы «Күжүрмөн кызмат өтөгөндүгү үчүн» медалы жана Кыргыз Республикасынын Ардак грамотасы менен сыйланган (1994).
• Чал уруусунан.

Колдонулган адабияттар

Суусамыр: Энциклопедия /Башкы ред. Ү. Асанов. - Б.: Энцик. борбору, 2010. - 312 б., илл. ISBN 978-9967-14-076-9