YouTube

Wikipedia дан
Jump to navigation Jump to search
YouTube Logo 2017.svg

YouTube — башкы штабы Калифорниянын Сан Бруно жергесинде жайгашкан Американын видео бөлүшүү вебсайты. Кызмат PayPal компаниясынын мурдагы үч мүчөсү, Чад Харли, Стив Чен жана Жавед Карим тарабынан 2005-жылы февраль айында түзүлгөн. Google компаниясы сайтты 2006-жылы ноябрда 1.65 млрд АКШ долларына сатып алган; YouTube учурда Google'дун туунду компаниясы катары иштейт.

YouTube колдонуучуларга видеолорду жүктөө, көрүү, баалоо, бөлүшүү, сүйүктүүлөргө кошуу, арыздануу, пикир жазуу жана башка колдонуучуларга жазылуу мүмкүнчүлүктөрүн берет. Ал колдонуучулар өндүргөн жана медиа корпорациялардын видеолорунун кеңири түрүн көрсөтүш үчүн WebM, H.264/MPEG-4 AVC жана Adobe Flash Video технологияларын колдонот. Жеткиликтүү мазмундар видео чыгырыктарды, сыналгы шоулорун, видео клиптерди, музыкаларды, тасмалардын трейлерлерин жана видео блог, кыскача түп нуска видеолор, билим берүүчү видеолор сыяктуу башка мазмундарды камтыйт. YouTube'дагы мазмундун көпчүлүгү жеке адамдар тарабынан жүктөлүп келет, бирок CBS, BBC, Vevo жана Hulu сыяктуу жалпыга маалымдоо корпорациялары YouTube өнөктөштүк программасынын бир бөлүгү катары YouTube аркылуу кээ бир материалдарын сунуштап турушат. Катталбаган колдонуучулар сайтта видеолорду гана көрө алышат, ал эми катталган колдонуучулар чектөөсүз видео жүктөп, видеолорго ой-пикир жаза алышат. Потенциалдык түрдө агрессивдүү деп эсептелген видеолор өздөрүн жок эле дегенде 18 жашта экенин бышыктап катталган колдонуучуларга гана жеткиликтүү.

YouTube Google AdSense менен жарнамалоо аркылуу киреше табат. Бул программа сайттын мазмунуна жана аудиториясына жараша жарнамаларды багыттап турат. Андагы видеолордун басымдуу көпчүлүгү акысыз көрсөтүлөт, бирок анын ичинде жазылууга негизделген премиум каналдар, тасманы киреге алуу, ошондой эле YouTube Red сыяктуу кызматтар дагы бар. YouTube Red –– сайтты жарнамасыз пайдаланууга мүмкүнчүлүк түзгөн жана ошол жердеги колдонуучулар менен биргелешип жасалган эксклюзивдүү мазмунга жеткилик берген жазылуу кызматы. 2017-жылдын февраль айына карата, YouTube сайтына ар бир мүнөт сайын жүктөлгөн видеолордун мөөнөтү 400 сааттан ашуун, ал эми күн сайын YouTube'да көрүлгөн мазмун бир миллиард саатка барабар. 2017-жылдын апрелине карата, желе кыймылын талдаган компания Alexa Internet тарабынан ал дүйнө жүзү боюнча эң популярдуу экинчи сайт деп таанылган.

Тарыхы[оңдоо | булагын оңдоо]

Тышкы шилтемелер[оңдоо | булагын оңдоо]