Людвиг-Максимилиан Мюнхен университети
Людвиг-Максимилиан Мюхен Университети (ошондой эле LMU же Мюнхенд Университети деп аталат, нем. Ludwig-Maximilians-Universität München) - мамлекеттик илимий-изилдөө университет болуп саналат. Ал Германиянын Мюнхен шаарында жайгашкан
Мюнхен Университети Германиядагы эң байыркы жогорку окуу жайларынын бири болуп саналат. Алгач 1472-жылы Ингольштадда Бавария-Ландсхуту Людвиг IX тарабынан негизделген. Ал эми 1800-жылы Ингольштадда француздар тарабынан коркутуулар болгондо, Бавариянын падышасы Максимилиан I университетти Ландсхутка көчүргөн. 1826-жылы Бавариянын падышасы Людвиг I тарабынан азыркы Мюнхенге кайра көчүрүлгөн. 1802-жылы Бавариянын падышасы жана биринчи негиздөөчүсү Максимилиан I урматына арналып, Людвиг-Максимилиан университети деп официалдуу түрдө белгиленген.
Мюнхен университети, айрыкча 19-кылымдан баштап, Германиядагы гана эмес, Европа боюнча эң кадыр-барктуу жогорку окуу жайларынын бири. Анда 36 Нобель сыйлыгынын лауреаттары университет менен байланышкан, жана ошондой эле Нобель сыйлыгынын лауреаттарынын саны боюнча дүйнөдө 17-орунда турат. Алардын арасында Вильгельм Рентген, Макс Планк, Вернер Гейзенберг, Отто Хан жана Томас Манн. Рим папасы Бенедикт XVI университетте студент жана профессору болгон. Университетке (ЛМУ) жакында эле Немис ЖОЖдор инициативасы тарабынан "элиталык университет" деген наам ыйгарылды.