Норвег деңизи
Норвег деңизи – Түндүк Муз океандагы четки деңиз; Скандинавия жарым аралы менен Шетленд, Ферер, Исланд, Ян-Майен, Аюулуу аралдарынын ортосунда жайгашкан. Норвегиянын батыш жээгин чулгайт. Аянты 1340 миң км2. Эң терең жери 3970 м. Норвегиянын жээгинде тайыздыктар (Лофотен) жайгашкан. Февралдагы суунун темпрасы 2–7˚С, августтуку 8–12˚С. Туздуулугу 35,2‰ге чейин. Норвег деңизи аркылуу өткөн Норвег агымынын таасиринен деңиз суусу тоңбойт. Суткасына эки жолу ташкындайт (3,3 мге чейин). Балык (треска, сельдь) кармалат. Негизги порттору: Тронхейм, Нарвик, Тромсё.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7