Саякатнаама
Саякатнаама, сапарнаама, саякат ырлар, жол хикаясы(очерки) – башка өлкөлөргө, бейтааныш жерлерге барганда ошол жактын таасири менен ал жактын эли-жери, маданияты, географиясы ж. б. нерселери жөнүндө жазылган чыгармалар. Мындай мотивдер Молдо Нияздын ырларында, Молдо Кылычтын “Чүй баяны” поэмасында учурайт, советтик мезгилде жол чыгармалары же командировкалык, саякаттык адабият кыргыз акын-жазуучуларында арбын жазылды. Мисалы, О. Султановдун БАМ (Байкал-Амур магистралы), Париж жөнүндө ыр-поэмалары, К. Жусуповдун “Микеланжело мекенинде”, “Армения күндөлүгү”, “Волга боюнда”, “Япония элестери” деген чыгармалары, Ж. Мамытовдун “Куба”, “Кашкар жеринде” ырлары ж. б.
Колдонулган адабияттар
[түзөтүү | булагын түзөтүү]"Кыргыз адабияты энциклопедиялык окуу куралы". Башкы редактор: Ү. Асанов, жооптуу редактор: А. Акматалиев. Бишкек - 2004