Абуаййуб ал-Ансари
| Абуайюб ал'-Ансари (ар. أبو الدرداء) | |
|---|---|
| Туулгандагы аты: | Халид ибни Зайд ибни Кулайб |
| Өлгөн: | 674, Константинополь[[Category:Өлгөндөр в Калып:Пишпек]] |
| Улуту: | араб, бану Нажар |
| Согуштары: | газават, Константинополду курчоо (674—678) ж. б. |
| Атасы: | Зайд ибн Кулайб |
Абуаййуб ал'-Ансари (ар. أبو أيوب الأنصاري) 
(52/672-ж. өлг) – Мухаммед пайгамбардын ﴾ﷺ﴿ атактуу сахабаларынын бири. Мадинада төрөлгөн, Хазраж уруусунан чыккан. Исламды хижрага чейин кабыл алган, Акабадагы касамдашуунун катышуучусу болгон.
Өмүр баян
[түзөтүү | булагын түзөтүү]
Мухаммед пайгамбардын ﴾ﷺ﴿ Мадинага келишинен кийин, бардык мадиналыктар өз үйлөрүндө аны канок катары тосуп алууну сыймык көрүшкөн. Бирок пайгамбар ﴾ﷺ﴿ анын төөсү кайсы үйдүн жанынан чөксө, ошол үйгө токтоорун айтат. Ошондон соң ал төөнү коё берет жана ал жандык, бир канча аралыкка басып, Абуаййуб ал-Ансаринин үйүнөн чөгөт. Анын үйүндө пайгамбар ﴾ﷺ﴿ 7 айча турган.
Абуаййуб Бадрдагы, Ухуддагы, Хандактагы жана башка согуштарга катышат. Мухаммед пайгамбардын ﴾ﷺ﴿ өлүмүнөн кийин ал Халифатты чыңдоо ишине жигердүү катышат. Халиф Алинин башкаруу тушунда анын армиясында болуп, харижийлерге каршы урушкан. Халиф Муавиянын тушунда ал Мисирге (Египет) кеткен.
Абуаййуб ооруп калган жана болжол менен 80 жаш курагында көз жумган, ошондо Халифаттын армиясынын Константинополго болгон жортуулунун учуру эле, ал ага жигердүү катышкан болчу. Кабарларга караганда, ал Константинополдун дубалдарынан алыс эмес бир жерге коюлган.
Колдонулган булактар
[түзөтүү | булагын түзөтүү]Али-заде А. Исламский энциклопедический словарь. — Ансар, 2007. — ISBN 5-98443-025-8